บ่แม่นนางเอกน้อย หรือว่านางเอกใหญ่
ได้รับบทเป็นผู้ลองไมค์ ซาวด์เช็กแทนนางเอกของวง
มือถือไมค์ไฟส่องฟ้า ร้องคั่นเวลาช่วงห้าหกโมง
ก่อนซุปตาร์เพิ่นสิมาออกโรง
หวังว่าหัวหน้าวง สิยู้ส่ง ให้ได้เป็นนางเอกนำเพิ่น
อะโหลเทสต์หน่ำๆ ขาประจำก่อนการแสดง
บ่ได้อยู่ลำซอดแจ้ง รับตำแหน่งนางเอกเช็กซาวด์
ฮ้องใส่ไมค์นั่นไมค์นี่ อันได๋ดีกดไลค์บอกเขา
ส่งสัญญาณให้มือซาวด์เอนจิเนียร์ก่อนเริ่มแสดง
ไร้คู่แข่ง นักแสดงคาแต่งหน้าอยู่
บ่ได้ขึ้นลำนำหมู่ รับบทอยู่แค่ตอนหัวแลง
หลังสามทุ่ม นั่งหลบมุมเบิ่งเขาแสดง
บ่มีโอกาส โชว์สังวาสโชว์ศิลป์ออกแสง
นั่งหาวหวอดๆ ซอดแจ้งอยากมีตำแหน่งร้องลำนำเพิ่น
ลำเพลินกะพอว่าได้ ลำแพนละกะล่ะพอล่ะว่าได้
ลำล่องกะพอว่าได้ ลำสังวาสได๋กะพอได้อยู่ ได้อยู่ กะไคอยู่
สิลำหมู่ ลำซิ่ง สตริง เฮฟวี่ ล่ะอินดี้ อิสาน
อยากจาต้านให้ท่านส่อยหนุน สิมีบุญได้โอ่ลำหรือบ้อ
บ่เคยท้อแฮงใจเต็มที่ เทื่อสิมีสิทธิได้ลำร้องดังเขา
นางเอกเช็กซาวด์ ได้นั่งเหงาตอนเขาแสดง
นักร้องมาแรง หมอลำมาแรง แบ่งคิวกันโชว์
รับพวงมาลัยแบงค์ร้อยแบงค์พันล้นคอโจโก้
ส่วนตัวเราเหรียญสิบแบงค์ซาวด์ยังว้าวคำโต
ลางเทื่อได้แบงค์ กาโม่ ลางเทื่อล่ะได้แบงค์กาโม่
ไว้โชว์ยามถือ ซื้อแนวกินบ่ได้
แนวใจมันประสงค์แล้ว หัวใจสู้ไหวอยู่แล้ว
มีแววสิรุ่งหรือบ่ มีบ่ สิมีบ่ ฝากอิพ่ออิแม่ซูค้ำ ให้นำยู้อยู่บ่เซา
นางเอกเช็คซาวด์ล่ะด้านหน้าเวที สิได้มีล่ะเอฟซีนำเพิ่น
หัวใจใฝ่เดินเส้นทางหมอลำ วัฒนธรรมซอฟต์พาวเวอร์
ขอแฮงใจนำ หลายๆ เด้อ